ဝါရှင်တန်၊ ဇွန်-၂၃-၂၀၁၉
မျိုးဆက် (VOM)
အမေရိကန်ဟာ အီရန်အပေါ် စစ်ရေးအရ လက်တုံ့ပြန်တိုက်ခိုက်ဖို့ကို ခွင့်ပြုချက်ပေးပြီးမှ သမ္မတ ဒေါ်နယ်ထရန့်က ပယ်ဖျက်လိုက်ပေမယ့် အီရန်ရဲ့ လက်နက်စနစ်တွေကို အမေရိကန်က ဆိုက်ဘာတိုက်ခိုက်မှု ပြုလုပ်ခဲ့တယ်လို့ အမေရိကန် သတင်းဌာနတွေက ဖော်ပြပါတယ်။
ဒီလိုတိုက်ခိုက်မှုကြောင့် အီရန်ရဲ့ ဒုံးပျံတွေနဲ့ ဒုံးပျံပစ်လွှတ်စင်တွေကို ထိန်းချုပ်ထားတဲ့ ကွန်ပြူတာစနစ်တွေ ချို့ယွင်းသွားခဲ့တယ်လို့ ၀ါရှင်တန်ပို့စ်က ဖော်ပြထားပါတယ်။
အီရန်အပေါ် အမေရိကန်က ပြစ်တင်ထားတဲ့ ရေနံတင်သင်္ဘောနှစ်စင်း တိုက်ခိုက်ခံရမှုနဲ့ အမေရိကန် မောင်းသူမဲ့လေယာဉ်ကို ပစ်ချတာတွေအတွက် လက်တုံ့ပြန်မှုအဖြစ် အခုလို ဆိုက်ဘာ တိုက်ခိုက်မှုပြုတာလို့ နယူးယောက်တိုင်းမ် သတင်းဌာနက ဖော်ပြပါတယ်။
ဒါပေမယ့် ဆိုက်ဘာတိုက်ခိုက်မှုကြောင့် အီရန်ရဲ့ လက်နက်ထိန်းချုပ်ရေးစနစ်တွေ ပျက်စီးသွားတယ်ဆိုတာနဲ့ ပတ်သက်ပြီး လွတ်လပ်တဲ့ အတည်ပြုချက်တော့ မရသေးပါဘူး။ အမေရိကန်ဟာ အီရန်အပေါ် ပြင်းထန်တဲ့ စီးပွားရေး အရေးယူပိတ်ဆို့မှုတွေကိုလည်း ချမှတ်ထားပါတယ်။
အီရန်နဲ့ ကမ္ဘာ့အင်အားကြီးနိုင်ငံတွေအကြား ချုပ်ဆိုထားတဲ့ နျူကလီးယား သဘောတူစာချုပ်ကနေ ပြီးခဲ့တဲ့နှစ်မှာ အမေရိကန်နုတ်ထွက်ပြီးနောက် နှစ်နိုင်ငံအကြား တင်းမာမှုတွေ မြင့်တက်လာခဲ့ပါတယ်။
Ref :BBC
Photo : Guardian
#voiceofmyanmar # အီရန်ရဲ လက်နက်ထိန်းချုပ်ရေးစနစ်တွေကိုအမေရိကန်ကဆိုက်ဘာတိုက်ခိုက်မှုလုပ် # အီရန် #အမေရိကန် #ဝါရှင်တန်
